بسم الله الرحمن الرحيم

والله من زمان عن السبيس من يوم فتحته وأنا حاطه مازال تحت الإنشاء<<والظاهر أن هالكلمة راح تطول وهي موجوده

المهم جاء اليوم اللي أبغى احط فيه موضوع بالبلوق عاد أنا ماعرف اجيب مواضيع من راسي جلست ادور بالنت على موضوع يكون حلو وطريف<<حلوه طريف خلوا بالكم من هالكلمه تعبت وانا ادورها خخخخخ

المهم لقيت موضوع عن الفرق بين الشاب الخليجي والاروبي وصراحه يوم قريته 

 حسيت أن 90%من الفروق صحيحه

المهم<<مو ملاحظين اني احب هالكلمه.وين كنا اهاااااا كنا بالمهم اللي هي الفروق أخليكم الحين تقرون الفروق وقولوا رايكم فيها اذا هي صحيحه او لا

يللااااااااااااااااا نبدا

بسم الله الرحمن الرحيم

..  أولاً  ..

الطفل الخليجي من صغره يعني في عمر أربع سنين يلعب بالتراب ويتراجم بالحصى ...بينما الطفل الأوروبي يلعب بالثلج ويسوي رجل الثلج واذا بيلعب مع أصحابه يرشهم بالموية ... وااااااو

..  ثانيــــــــــــــــــــــــاً  ..

الطفل الخليجي اذا بدا يروح للمدرسة يصحى وهو يبكي ويصارخ <<والله بصراحه أحس معاهم حق يبكون ويصارخون. وما يرضى الا يعطونه بسكوت كل شوي واذا رحت للمدرسه نبي نطلعك للملاهي ومدري وشهو..بينما الطفل الأوروبي أول يوم يروح للمدرسة وهو يضحك ويغني ومبتسم ..ويرجع يعلم أهله وش سوى في المدرسة

.. ثالــــــــــــــــــــــــــــثاً ..

 الطفل الخليجي في سن عشر سنين جاحد أم البنت ومشكل بجدتها ..يا يلعب كورة يا يلعب بالشروخة <<اللي هي الطراطيع..واذا جت البنت يا حياتي تبي تلعب معاه صارخ في وجهها ( وخري هذي لعبة أولاد مو لعبة بنات روحي العبي بعرايسك ) بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي العبي بعرايسك ..


..  رابـعـــــــــــــــــــاً  ..

 في سن 16- 20 الشاب الاوروبي اذا اعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب..بينما الشاب الخليجي اذا فرضنا أنه أعجبته بنت مع أنه ما يشوف الا عباية ما يندرى وش تحتها ..يعطيها ورقة مشقوقة ولا غلاف ألبوم مكتوب عليها رقم >>>قمة الرومانسية <<كثرررررري منها

..  خامســــــــــــــــاً  ..

 الشاب الأوروبي اذا حب بنت يقوم يعلم أهله  أن فلانة حبيبته ويصير ما يروح ولا يجي الا معاها ..بينما الشاب الخليجي اذا حب وحدة يكتم الامر ليه مو علشان التقاليد لا علشان يقدر يغازل غيرها ..واذا علم أحد يعلم أصحابه يعني شوفوا كيف أنا حلوووو وخطي  مطيح بنات. 


..  سادســـــــــــــاً  ..

 الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها .. بينما الشاب الخليجي اذا ازعجوه أصحابه بأنه نصاب ولا يعرف بنات يصير همه يركب حبيبته في سيارة ويمر بها من شارع مظلم ويوقف عند بقاله كل أخوياه مسنترين هناك يعني شوفوني مركب بنت ...وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة.